Me kërkesë të Prokuroria e Posaçme, GJKKO ka lëshuar 21 masa sigurie në kuadër te hetimit të një organizate kriminale me shtrirje ndërkombëtare.
Sipas tw dhwnave paraprake nga SPAK, nw organizatwn kriminale përfshihen edhe një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.
SPAK bën me dije se masat e caktuara të sigurisë janë si më poshtë:
Arrest me burg – 18 persona (përfshire ish-gjyqtarin dhe zyrtarin e lartë të policisë së shtetit);
Arrest në shtëpi – 1 avokat;
Detyrim paraqitje në policinë gjyqësore – 2 gazetarë.
Operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane, është në vijim.
Mediat raportuan se në pranga ranë dy ish-gjyqtarë të Elbasanit, Pajtime Fetahu dhe Zihni Shahu. Ky i fundit ka qenë edhe drejtues i Gjykatës së Elbasanit.
Detyrim paraqitje gjykata caktoi ndaj gazetarëve Artan Hoxha dhe Elton Qyno.
‘Arrest shtëpie’ është firmosur për avokaten e grupit të Suel Çelës, Blerina Beqiri.
Njoftimi:
Në kuadër te hetimit të një organizate kriminale me shtrirje ndërkombëtare, me kërkesë të Prokurorisë se Posaçme, Gjykata e Posaçme e Shkalles së Parë për Korrupsionin dhe Krimin e Organizuar ka caktuar masat e sigurisë për 21 persona, ku përfshihen anëtarët e organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.
Masat e caktuara të sigurisë janë si më poshtë:
Arrest me burg – 18 persona (përfshire ish gjyqtarin dhe zyrtarin e lartë të policisë së shtetit);
Arrest në shtëpi – 1 avokat;
Detyrim paraqitje në policinë gjyqësore – 2 gazetarë.
Operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane, është në vijim. Me qëllim ruajtjen e integritetit të këtij operacioni, Prokuroria e Posaçme do të publikojë më shumë të dhëna rreth këtij hetimi ditën e nesërme.