Një tjetër aksident i rëndë është regjistruar këtë të mërkurën, 18 dhjetor, në aksin rrugor Lezhë-Laç ku raportohet për një viktimë.
FOTO/ Mjeku që humbi jetën në aksident ishte anestezist, kolegët postim drithërues
Burimet nga vendi i ngjarjes bëjnë me dije se dy automjete janë përplasur me njëra-tjetrën.
Si pasojë ka mbetur i plagosur rëndë një 65 vjeçar i cili është dërguar në spitalin e Traumës por nuk i ka mbijetuar dot plagëve dhe ka ndërruar jetë.
Mësohet se 65-vjeçari ka qenë duke drejtuar një triçikel i cili është përplasur me pjesën e parme të një trajleri.
Lezhë/Informacion paraprak
Rreth orës 10:00, në aksin rrugor “Lezhë-Laç”, janë përplasur mjeti kamion me drejtues shtetasin Sh. B. dhe mjeti me drejtues shtetasin D. T.
Nga aksidenti ka humbur jetën shtetasi D. T., rreth 65 vjeç.
Me drejtuesin e kamionit, shtetasin Sh. B., po kryhen veprimet procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit.