BERAT– Kryeministri Edi Rama ditën e sotme teksa ka zhvilluar një takim në Berat me fermerët, u ka kërkuar banorëve që jetojnë në fshat ta harrojnë politikën, por sipas tij të fokusohen tek integrimi i vendit në BE.
Më tej Rama theksoi se duhet t’i bëjnë hyzmet këij shansin teksa theksoi “na duhet ta kapim e të mos e lëshojmë”.
“Është si të vendosim mushkëri të reja, s’mund ti lësh dot pa i vënë se ke disa politikëra në kokë”, theksoi kreu i qeverisë.
FJALA E RAMËS:
Janë 300 mln euro në vit për fshatin e bujqësinë. Llogaritini kapacitetet financiare që krijohen. Është historike, besoj shumë që të gjithë ne, kushdo që jeton në fshat ta harrojë politikën dhe të mendojë na duhet ta kapim e të mos e lëshojmë këtë shans, ti bëjmë hyzmetin këtij shansi, të bëhemi anëtarë të BE dhe kemi frymëmarrje të re. Është si të vendosim mushkëri të reja, s’mund ti lësh dot pa i vënë se ke disa politikëra në kokë. Me këtë vijnë edhe shumë gjëra të tjera, programe ku ne sot s’mund të kemi akses sepse s’jemi pjesë e asaj familje, na mbështesin si fqinj. Por kur bëhemi pjesë mbështetemi si anëtarë të familjes./Radar.al