Apeli i Posaçëm rrëzoi rekurset e anëtarëve të grupit kriminal të vëllezërve Çopja duke lënë në fuqi masat e sigurisë të cilat i miratoi Shkalla e Parë.
Të arrestuarit e operacionit “Plumbi i artë 2”, undërshtuan masat e sigurisë, mes të cilëve bënin pjesë edhe ish-gjyqtarja e Gjykatës së Elbasanit Pajtime Fetahu e cila aktualisht ndodhet në arrest shtëpie.
Ish-gjyqtarja akuzohet për ‘Korrupsion pasiv të gjyqtarëve, prokurorëve dhe funksionarëve të tjerë të organeve të drejtësisë’.
Ju kujtojmë se më 29 korrik, GJKKO firmosi 33 masa sigurie, nga të cilat 13 u ekzekutuan ndërsa, 2 rezultojnë të arrestuar më parë jashtë Shqipërisë.
Shtrirja e tyre sa i takon trafikut të drogës ishte në Europë dhe më gjerë se kaq pasi kishin arritur të fuqizoheshin ekonomikisht.