Shqipëria sot do të dominohet nga kthjellime dhe intervale të gjata me diell, të shoqëruara me kalime të lehta vranësirash në mëngjes. Pasditja sjell vranësira më të shpeshta në të gjithë territorin, veçanërisht në zonat malore verilindore dhe juglindore, por pa reshje.
Temperaturat do të variojnë nga 13°C në Ersekë deri në 33°C në zonat më të nxehta të vendit.
Era do të fryjë nga perëndimi me shpejtësi deri në 30 km/h, duke krijuar dallgëzim të ulët në brigjet e Adriatikut dhe Jonit.
Europa
Lindja dhe Skandinavia: vranësira të dendura e rrebeshe shiu.
Qendra e kontinentit: mot i paqëndrueshëm me reshje dhe mini stuhi lokale.
Ballkani: përmirësim i dukshëm i kushteve atmosferike me diell e pak vranësira.
Europa Jugore dhe gadishulli i Peloponezit: mot i kthjellët dhe temperatura të larta, sidomos në brigjet greke.