SLLOVENI-Kryeministri i Shqipërisë, Edi Rama, ka mbërritur në Slloveni për të marrë pjesë në Forumin Strategjik të Bledit. Ngjarje kjo e rëndësishme që përfshin liderë dhe ekspertë nga rajoni për të diskutuar çështje globale dhe rajonale.
Ky forum Strategjik zhvillohet çdo vit në qytetin malor të Bledit në Slloveni. Është një platformë për dialog dhe këmbim idesh mbi sfidat më të rëndësishme që përballin kombet dhe rajonet.
Ngjarja ka për qëllim të ofrojë një mundësi për liderët politikë, akademikë dhe ekspertë të diskutojnë dhe të gjejnë zgjidhje për çështje strategjike dhe globale.
Rama i cili mbërriti në Bled mëngjesin e sotëm, pritet të marrë pjesë në sesione të ndryshme dhe diskutime.