E Premtja e Madhe është pikërisht momenti kur besimtarët e krishterë qëndrojnë me frymë të ndalur përpara misterit të Kryqit, varrimit dhe zbritjes në Hadh të Krishtit.
Në këtë të premte të shenjtë, Jezus Krisht pranon vuajtjen dhe vdekjen për shpëtimin e gjinisë njerëzore.
I njohur nga të krishterët si Jeta, ai hyn në varr për të shkatërruar vdekjen. Ai që është Drita, hyn në errësirë për të ndriçuar gjithësinë.
Të gjitha pësimet, vajtimet, kryqëzimi dhe varrosja e Krishtit shihen e përjetohen nën dritën e Ngjalljes. Kjo sepse Zoti nuk është më në varr, por ngjallet dhe më të gjithçka tjetër.
Dhimbja e së Premtes përkon me nisjen e përgatitjeve për Pashkën e Madhe.
Shërbesa e së Premtes së Madhe, u kryesua nga Fortlumturia e Tij, Kryepeshkopi i Tiranës, Durrësit dhe i gjithë Shqipërisë, Joani, në Katedralen “Ngjallja e Krishtit” në Tiranë.
Shërbesa filloi në orën 18:00 dhe u zhvillua me pjesëmarrjen e gjallë të klerikëve, korit Bizantin dhe besimtarëve, në një atmosferë përulësie e përqendrimi shpirtëror.