Pashkët ortodokse dhe ato katolike tashmë mund të unifikohen, duke bërë që besimtarët e krishterë, të festojnë ditën e shenjtë në të njëjtën datë.
Ky propozim mbetet në fazë diskutimesh, por mundësitë janë të mëdha që së shpejti të aprovohet.
Sipas mediave të huaja, propozimi ka marrë “dritën jeshile” nga Papa Françesku.
“Pashka i përket Krishtit, jo neve që jemi të vdekshëm”, tha Papa Françesku.
Dy krerët e Kishës Ortodokse dhe Kishës Katolike Romake, shprehën perspektivën e tyre të përbashkët, duke theksuar se “rregulli” i festimit të Pashkëve do të jetë i përhershëm.
Mesa duket shtysë e këtij konsensusi është bërë rastësia e vitit 2025, kur do të ketë një koincidencë kalendarike të Pashkëve Ortodokse me Pashkët Katolike.