DEVOLL– Një shtetas 70-vjeçar, i identifikuar si Jashar Spaho nga fshati Pilur i Devollit, ka humbur kontaktet me familjarët e tij që prej datës 28 Qershor.
Bazuar në denoncimin e familjes, 70-vjeçari ishte nisur për të shkuar në Korçë dhe nga kontaktet që kanë pasur me të njohur ju është thënë se e kanë parë për herë të fundit në afërsi të terminalit të autobusëve.
Familjarët kanë bërë denoncimin në komisariatin e Devollit dhe gjithashtu të Tiranës pasi kanë dyshime se ai mund të ketë lëvizur drejt kryeqytetit.
Ata sqarojnë se i moshuari nuk vuan nga probleme të shëndetit mendor dhe këtë veprim nuk e ka bërë asnjëherë më parë, por kohët e fundit ka qenë shumë i shqetësuar për vëllain e tij të sëmurë. Kush ka informacion se ku ndodhet ai, mund të kontaktojë familjarët në numrat e telefonit 069 64 50 216; 0689356925./Radar.al