Edi Paloka, kryetari i Këshillit Kombëtar i Partisë Demokratike njëkohësisht dhe deputeti i rizgjedhur demokrat në një intervistë për News24 foli në lidhje me zgjedhjet e 11 majit si dhe humbjen e thellë të demokratëve.
Në lidhje me këtë të fundit, Paloka shprehet se e kanë fajin demokratët dhe jo vetëm kryetari i tyre, Berisha.
I pyetur nëse ka zëra brenda PD-së që kërkojnë largimin e Sali Berishës pas humbjes në zgjedhje, Paloka u shpreh se kryedemokrati e mori dhe e ngriti partinë nga rrënojat.
Pjesë nga intervista:
Nisida Tufa: Brenda PD, ka zëra që kërkojnë largimin e Berishës, si mendoni?
Edi Paloka: As unë nuk dorëzohem kurrë. Çfarëdo lloj vendimi të marr personal në një moment të caktuar, do të jem gjithnjë përballë Ramës, si anëtar i thjeshtë apo…kur janë vendime personale apo diçka përtej kësaj. Cdo vendim që unë mund të marr në të ardhmen, ta shpjegoj, sigurisht marr vendime personale. Jeta është e imja, në politikë s’ka vendime personale. Nesër mund të mos hyj në asnjë kandidim, por nuk do iki nga politika. Do jem përballë Ramës dhe do jem aty kur do të ndodhë. Nëse nuk do të kishte farsë politike, do humbte zgjedhjet, Berisha do të ikte është e shkruar në statut. Këtu nuk flasim për zgjedhjet. Berisha është njeriu që e ngriti PD, e mori në humnerë. Pak muaj para zgjedhjeve ishte në arrest shtëpie, nuk kishim financa, për 2 muaj e mori fushatën, e mbajti PD në krahë. Unë lodhesha duke parë takimet e Berishës, një 80 vjeçar që bënte nga 10 takime. E mori PD në krahë, e patë pritjen që i bënë. Të gjithë ne kemi përgjegjësi dhe ai jo.
LEXO EDHE:
Si do të jetë shteti Bektashi në Shqipëri? Ja çfarë zbulon Baba Mondi
“F*ck you!”/ Flamujt e UÇK-së dhe sjellja e shqiptarëve irriton serbët