Një lajm i shkëlqyer për sportin lezhjan dhe veçanërisht për ekipin e Besëlidhjes U18: katër prej futbollistëve të talentuar janë grumbulluar nga Kombëtarja Shqiptare U18, një arritje e jashtëzakonshme si për ta, ashtu edhe për klubin.
Përzgjedhja në radhët e Kombëtares është frut i përkushtimit, disiplinës dhe pasionit që këta të rinj tregojnë çdo ditë në stërvitje dhe në fushë. Ky është një tjetër tregues se puna e palodhur që po bëhet në akademinë e Besëlidhjes po jep frytet e saj dhe po reflektohet tashmë edhe në nivele kombëtare.
Klubi ka shprehur krenarinë për këtë sukses dhe i ka uruar lojtarëve suksese të mëtejshme me fanellën kuqezi, duke besuar se do ta përfaqësojnë Shqipërinë me dinjitet, përkushtim dhe zemër të madhe.