Tentativa për atentat ndaj kandidatit për President Donald Trump, ngjarje e cila ka ndodhur rreth 12 orë më parë, gjatë mitingut të tij në fushatën elektorale në Butler të Pensilvanisë, ka vënë në alarm gjithë SHBA e është pasuar me reagime të shumta nga udhëheqës në mbarë botën.
Ky sulm i cili u nis nga 20-vjeçari Thomas Matthew Crooks për të vrarë Presidentin Trump, la të vrarë një nga mbështetësit e ish-presidentit dhe plagosi dy të tjerë. Ndërsa janë ngjallur kritika për masat e sigurisë të vendosura në mbarvajtjhen e tubimit të Trump.
Edhe pse ndërhyrja e agjentëve sekretë ishte e shpejtë pasi u dëgjuan të shtënat me armë zjarrri, ka pasur një reagim nga një dëshmitarë, (mbeshtetës i Trump) i cili ka thënë se i paralajmërova anëtarët e shërbimit sekret por sipas tij nuk kanë reaguar.
Megjithatë nga pamjet e publikuara në mediat amerikane është parë që anëtarët e Shërbimit Sekret u afruan rreth ish-presidentit Trump për ta mbuluar dhe për ta larguar përfundimisht nga skena ku po mbante fjalimin.
Në një prej videove të publikuara dëgjohet biseda e Trump me agjentët, gjatë kohës që agjentët u afruan ta mbronin pasi u qëllua.
Trump fell to the floor as shots rang out and was mobbed by Secret Service agents.
‘Let me get my shoes on’, the former president said moments before being hurried off stage
Latest: https://t.co/xc7XoFnkBB pic.twitter.com/hhUidH8525
— Sky News (@SkyNews) July 14, 2024
Momente të dialogut mes Trump dhe agjentëve sekretë:
Dëgjohen të shtënat, Trump kap veshin dhe ulet poshtë podiumit.
Agjenti: A jeni gati?
Agjenti: I armatosuri është neutralizuar!Gati për të shkuar?
Agjenti: Fusha është e pastër.
Agjenti: Përpara, zotëri, le të shkojmë.
Trump: Më prit të marr këpucët.
Agjenti: Unë po të mbaj.
Trump: Prit të marr këpucët e mia.
Agjenti: Mbaje në kokë, po të rrjedh gjak, i jep një shami.
Agjenti: Kujdes. Prisni.
Trump ngre grushtin duke parë njerëzit.
Trump: Luftoni! Përleshje! Përleshje!
Turma brohorit:SHBA. SHBA.
Ish-presidenti Donald Trump, njëkohësisht kandidati për President të SHBA-ve u qëllua me armë zjarri gjatë një takimi elektoral në Pensilvani. U plagos në veshin e djathtë ndërkohë mësohet se tashmë gjendja e tij shëndetësore është e stabilizuar. 20-vjeçari, Thomas Matthew Crooks i dyshuar si autori i sulmit u vra./Radar.al