Aktori i njohur John Travolta është shfaqur pas një kohe të gjatë në publik gjatë Festivalit të Filmit në Kanë, ku u nderua me një çmim të veçantë për arritje jetësore.
Gjatë ceremonisë, Travolta mori një Palmë të Artë Nderi, një nga vlerësimet më prestigjioze të festivalit. Ai u shfaq i emocionuar teksa falënderoi organizatorët për nderimin.
Vëmendja në rrjetet sociale u përqendrua jo vetëm te çmimi, por edhe te pamja e tij, pasi 72-vjeçari u paraqit me një stil ndryshe nga zakonisht. Ai kishte veshur një kostum bardh e zi, kravatë, një bluzë me kuadrate, si dhe një beretë të bardhë e syze me kornizë të hollë metalike.
Në këtë dalje publike, Travolta shoqërohej nga vajza e tij, Ella Travolta, e cila ishte e pranishme gjatë gjithë ceremonisë.
Aktori ndodhet në Kanë për të promovuar filmin e tij të ri Propeller One-Way Night Coach, ndërsa rikthimi i tij në këtë skenë të madhe ka ngjallur interes të madh mes fansave dhe mediave ndërkombëtare.
