Përkeqësimi i motit ditën e sotme preku dhe Gjirin e Vlorës.
Burimet bëjnë me dije se deti arrin fuqinë deri në 6 ballë brenda Gjirit të Vlorës dhe 7-8 jashtë.
Kjo situatë është shkaktuar për shkakt të erërave të forta, e për rrjedhojë vijon të mbetet i pezulluar lundrimi në Vlorë.
Ndërkohë, reshjet vijojnë me intensitet mesatar, ndërsa mësohet se fatmirësisht nuk ka pasur probleme në rrugët e qytetit deri në këto momente.
Si pasojë e motit të keq me erëra të forta ka pasur ndërprerje të energjisë elektrike në zonat Orikum – Dukat – Llogara. Që prej mbrëmjes se djeshme grupet e OSHEE janë në terren për rikuperimin e energjisë.
Sakaq situate është përkeqësuar dhe në qytetet të tjera si: Shkodër, Lezhë dhe Elbasan. Këto rrethe për rrjedhojë të përkeqësimit të motit, kanë patur problemed he me energjinë elektrike.