Partnerja e Cristiano Ronaldos, Georgina Rodriguez po korr sukses me dokumentarët e saj në Netflix.
Pas publikimit të sezonit të tretë të “I am Georgina”, raportimet nga mediet e huaja bëjnë me dije se Rodriguez po fiton afro 9 milionë euro në sezon, me pak fjalë një shumë marramendëse.
Përsa I përket shifrave të sakta nga Netflix ato mbeten të paverifikuara, media të ndryshme spanjolle dhe latino-amerikane spekulojnë se të ardhurat e saj mund të ishin shumëfishuar me edicionin e radhës.
Sezoni i tretë i serialit dokumentar u publikua më 18 shtator dhe deri më tani ka fituar vlerësime të mira.
‘Reality shoë’ i Rodriguez-it në Netflix, i cili ofron një paraqitje të shkurtër të stilit të jetës së saj luksoze dhe marrëdhënies me një nga futbollistët më të pasur në botë, Ronaldon, ka tërhequr shikueshmëri të konsiderueshme.
Përveç kontratës fitimprurëse me Netflix, modelja 30-vjeçare dhe influencuesja spanjolle bashkë-menaxhon një klinikë të suksesshme të transplantimit të flokëve me Ronaldon, e cila thuhet se gjeneron rreth dhjetë milionë euro në vit.
Kjo sipërmarrje i shton një shtresë tjetër suksesit të saj financiar.