Faqja e specializuar Transfermarkt ka përditësuar vlerat e 99 futbollistëve pas përfundimit të Botërorit, duke vendosur edhe një rekord të ri në tregun e transferimeve.
Dy yjet e futbollit, Lamine Jamal dhe Erling Haaland, janë vlerësuar tashmë me nga 220 milionë euro, shifra më e lartë e regjistruar ndonjëherë nga platforma për një futbollist.
Pas tyre renditet Kylian Mbappé, me një vlerë tregu prej 200 milionë eurosh.
Përditësimi ka sjellë edhe hyrjen e disa emrave të rinj në grupin e lojtarëve me një vlerë prej të paktën 100 milionë eurosh. Në këtë listë janë shtuar Pau Cubarsí, William Saliba, Enzo Fernández, Elliot Anderson dhe Morgan Rogers.
Në total, tashmë janë 26 futbollistë që vlerësohen me 100 milionë euro ose më shumë.
Rritjen më të madhe në këtë përditësim e ka regjistruar Elliot Anderson, vlera e të cilit është rritur me 35 milionë euro, duke qenë futbollisti me progresin më të madh në treg.
