TIRANË– Pothuajse të gjitha vajzat ankohen në periudha të ndryshme të vitit për rënien e flokëve. Zakonisht kjo dukuri është më e zakonshëm në vjeshtë për gratë (sidomos mbi moshën 40 vjeç), për të cilën pak njerëz flasin ndonjëherë.
Fatmirësisht, diçka ka filluar të ndryshojë, pasi shumë gra kanë nisur të tregojnë për vështirësitë që përjetojnë me humbjen e flokëve. Pavarësisht nëse fajtorë janë hormonet, stresi, medikamentet që marrin ose arsye të tjera, trajtimet nganjëherë janë shumë më të thjeshta.
Mund të ndihet sikur vuani në heshtje ndonjëherë, duke parë më shumë qime në krehër dhe në pllakën e dushit, ndërkohë që mbeteni të paqartë se çfarë hapash, nëse ka, mund të ndërmerrni. Dermatologët shpesh herë ofrojnë faktet që ju nevojiten, në mënyrë që të mos i shpenzoni paratë për disa mënyra trajtimi që në fund nuk sjellin asnjë efekt.
Trajtimi për rënien e flokëve në vjeshtë.
Para se të merrni një trajtim, fillimisht duhet të bëni këtë test të thjeshtë për të kuptuar në ç’nivel të rënies së flokëve jeni.
Duhet të keni parasysh që trajtimet e flokëve nuk veprojnë në mënyrë specifike tek flokët që bien, sepse ato tashmë janë të vdekur dhe rënia e tyre është e pashmangshme. Megjithatë, kini parasysh që jo gjithçka duhet justifikuar me sezonin e vjeshtës. Për flokët duhet të kujdesesh si për çdo pjesë tjetër të trupit. Lyerja me bojëra me kimikate të ndryshme, tharja dhe krehja në temperaturë maksimale, kequshqyerja etj., janë faktorë të jashtëm, të cilët ndikojnë në dëmtimin dhe rënien e flokëve. Në të tilla raste, përdor sa më shumë maska me produkte natyrore, si p.sh maska me vezë dhe vaj ulliri, 30 minuta para larjes, do të të ndihmojë shumë për eliminimin e rënies./Përshtatur nga Medicalnewstoday ./Radar.al