IZRAEL-Izraeli po mbyll ambasadat e tij në të gjithë botën dhe u ka kërkuar qytetarëve të qëndrojnë vigjilentë dhe të mos shfaqin simbole hebraike ose izraelite në vendet publike, thuhet në deklaratat e postuara në faqet e internetit të ambasadave ditën e sotme, pasi Izraeli nisi sulme në shkallë të gjerë ndaj Iranit.
Ndërkohë u është kërkuar të gjithë izraelitëve që të plotësojnë një formular për të njoftuar mbi vendndodhjen dhe gjendjen e tyre, një praktikë që është përdorur edhe pas sulmit të Hamasit më 7 tetor 2023, për të mundësuar koordinimin e kthimit të rezervistëve dhe organizimin e fluturimeve të posaçme.
Autoritetet izraelite nuk kanë saktësuar se për sa kohë do të zgjasë mbyllja e përfaqësive diplomatike. Kjo masë vjen mes tensioneve në rritje mes Izraelit dhe Iranit, duke ngritur alarmin për sigurinë globale./REUTERS/Radar.al