Forcat e Mbrojtjes së Izraelit (IDF) kanë njoftuar se kanë vrarë Jamshid Eshaqim, komandantin e Drejtorisë së Naftës të Forcave të Armatosura të Iranit, në një goditje të kryer më herët gjatë kësaj jave.
Sipas ushtrisë izraelite, operacioni u realizua mbi bazën e informacioneve të siguruara nga inteligjenca, duke goditur një figurë që konsiderohej kyçe për financimin dhe funksionimin e aparatit ushtarak iranian.
IDF thekson se Drejtoria e Naftës është një strukturë thelbësore për regjimin, pasi siguron të ardhura të mëdha nga shitja e naftës, të cilat përdoren për zhvillimin ushtarak dhe aktivitetet rajonale.
Sipas deklaratës, Eshaqim drejtonte krahun financiar të forcave të armatosura, duke mbështetur prodhimin e raketave balistike dhe duke financuar grupe aleate të Iranit në Lindjen e Mesme, përfshirë Hezbollah dhe Houthit.
Ushtria izraelite shton se për vite me radhë, forcat iraniane janë mbështetur në të ardhurat nga nafta që shmangin sanksionet ndërkombëtare, duke i përdorur ato për të forcuar kapacitetet ushtarake dhe ndikimin rajonal.