Gjykata e Lartë e Francës ka shpallur fajtor ish-presidentin Nicolas Sarkozy, duke e dënuar për korrupsion dhe abuzim me ndikim, pasi mori 10 milionë euro rryshfet gjatë mandatit të tij si kreu i shtetit.
69-vjeçari do të vuajë një vit burg, por sipas NPR, ai pritet të kërkojë që dënimi të kryhet në shtëpi, me byzylyk elektronik.
Sarkozy, i cili udhëhoqi Francën nga viti 2007 deri më 2012, është ish-presidenti i parë në historinë moderne të vendit që dënohet me burg për veprime gjatë mandatit.
Në një reagim në rrjetet sociale, ai tha:
“Do të marr përsipër përgjegjësitë e mia dhe do të përballem me pasojat. Nuk kam ndërmend të ankohem. Por nuk jam i përgatitur të pranoj padrejtësinë e thellë që më është bërë.”
Sarkozy paralajmëroi se do ta çojë çështjen në Gjykatën Evropiane të të Drejtave të Njeriut, ndërsa avokati i tij, Patrice Spinosi, konfirmoi se vendimi i gjykatës do të respektohet.
Pavarësisht tërheqjes nga jeta publike në vitin 2017, Sarkozy vijon të ketë ndikim në politikën konservatore franceze dhe së fundmi mori pjesë në ceremoninë e rihapjes së Katedrales së Notre Dame.