Ish-kreu i Këshillit të Lartë të Prokurorisë (KLP), Alfred Balla, ka bërë deklarata të forta në lidhje me procesin e reformës në drejtësi dhe vettingun.
Në një intervistë për Radar.al, Balla shprehet se mbetet e paqartë mënyra se si u përzgjodhën personat që hartuan modelin e reformës dhe procedurat e vettingut, duke ngritur dyshime serioze mbi ligjshmërinë e gjithë procesit.
“Sot nuk dihet se si u përzgjodhën ata elementë që hartuan mënyrën se si do të bëhej reforma në drejtësi dhe vettingu. Në procesin e vettingut nuk është zbatuar as Kushtetuta dhe as ligji aktual”, deklaroi Balla.
Sipas tij, mungesa e transparencës dhe mosrespektimi i kuadrit kushtetues dhe ligjor kanë cenuar rëndë standardet mbi të cilat u ndërtua reforma në drejtësi.