TIRANË– Vdekja e parakohshme e këngëtarit të mirënjohur shqiptar Shpat Kasapi ka tronditur rëndë opinionin publik.
Kanë qenë të shumtë miqtë dhe kolegët që kanë reaguar përmes rrjeteve sociale ku edhe u kanë shprehur ngushëllime familjarëve. Largimi i beftë i Kasapit ka qenë një lajm i pabesueshëm jo vetëm për familjen por për çdo shqiptar që e ka dëgjuar.
Në një intervistë për Media Radar, aktori Ergyn Shima ka folur për Shpatin dhe largimin e tij nga jeta.
Shima: Shpat Kasapi ishte një artist i niveleve të larta që në momentin që ai ka debutuar në treg si këngëtar dhe tekstet e këngëve që ai ka pasur kanë pasur një influencë shumë të lartë n’publikun e asaj kohe por vazhdojën të kenë influencën akoma edhe sot. Ka ardhur nëj lloj kohe që për muzikë të mirë edhe për një produkt të mirë artistik është bërë shumë vështirë. Shpati ishte një nga ato që mbijetonte në treg pa bërë asgjë. Kujtimi i tij do të jetë i pavdekshëm dhe gjithë qëllimi që duhet të ketë një artist dhe rregulli i jetës për mendimin tim një artist duhet të lë shenjën e vet edhe kur s’jeton më.
Dhe Shpati ja ka dalë?
Shima: Patjetër që ja ka dalë./Radar.al