Ditën e sotme Autoriteti Kombëtar për Sigurinë Kibernetike ka njoftuar qytetarët në lidhje me skemën e mashtrimit që ka qarkulluar së fundmi nga hakerat në emër të Postës Shqiptare.
Mesazhet që nmbërrijnë në celularët e qytetarëve shqiptarë përbëhen nga disa linqe që synojnë vjedhjen e të dhënave bankare dhe të kartave të kreditit.
Ndërsa bëhet me dije se domaini i përdorur është identifikuar si dhe janë marrë masa për bllokim pranë AKEP.
“Autoriteti Kombëtar për Sigurinë Kibernetike ka ndërmarrë menjëherë të gjitha masat për të bllokuar një skemë mashtruese që synonte vjedhjen e të dhënave bankare përmes mesazheve të rreme në emër të Postës Shqiptare. Domaini i rrezikshëm është raportuar dhe dërguar për bllokim te AKEP. Kjo fushatë nuk ka lidhje me një aktor të sponsorizuar specifik, por është një tjetër përpjekje për të vjedhur të dhënat e kartave të kreditit, njësoj si rastet e mëparshme që janë hasur nga imitues të Postës Shqiptare. Kujdes! Mos jepni në asnjë rast të dhënat tuaja bankare apo të kartës përmes formave të dyshimta! AKSK vijon monitorimin dhe bashkëpunimin e ngushtë me institucionet përgjegjëse për të parandaluar çdo përpjekje për mashtrim digjital”, thuhet në njoftimin e Postës Shqiptare.
LEXO EDHE:
Si qëndron e vërteta e arrestimit të yllit të TikTok-ut në SHBA
E rëndë/ Gjendet lëndë shpërthyese tek Universiteti Politeknik i Tiranës