Ish-kryeministri Fatos Nano, 73 vjeç, ndodhet në gjendje shumë të rëndë shëndetësore në një spital privat në kryeqytet, pas një arrestit kardiorespirator.
Në një njoftim zyrtar, spitali bën me dije se Nano është hospitalizuar prej disa ditësh dhe aktualisht ndodhet në reanimacion, me dëmtime në tru dhe prognozë të rezervuar.
“Pacienti ka disa ditë i hospitalizuar, në gjendje të rëndë pas një arresti kardiorespirator. Aktualisht konsiderohet në gjendje shumë të rëndë, me prognozë të rezervuar,” njofton spitali.
Fatos Nano, themelues i Partisë Socialiste dhe kryeministër i Shqipërisë në periudhat 1991, 1997-1998 dhe 2002-2005, u tërhoq nga politika aktive në vitin 2005 dhe është i njohur si kreu i parë i PS-së.