TIRANË– Shefi i qeverisë, Edi Rama ka komentuar deklaratën e tij nga Dibra ku tha se burrat që mbështesin Partinë Demokratike janë çyrykë. Lidhur me këtë deklaratë Rama tha se e nuk ka ofenduar asnjë burrë dibran, duke theksuar se ka thënë “gjysmat e tyre”, referuar atyre që nuk mbështesin PS-së.
Kreu i qeverisë shtoi se burrat dibranë nuk janë fare të ofenduar nga deklaratat e tij, madje shtoi ai “përkundrazi do i shikoni në zgjedhje”.
“Unë s’kam ofenduar asnjë burrë dibran, kam thënë “gjysmat”, kam shpjeguar elektoratin se 56% e grave shqiptare, pjesë më e shëndetshme politikisht sepse janë më pak të prirura për të ulur në kafe mbështet PS. Në disa qarqe shkon mbi 60%. Tek burrat jemi më afër, dhe kam thënë na mjafton 56% e grave, 55% e votuesve e parë dhe gjysma e burrave, gjysma tjetër janë çyrykë politikisht. Të shkosh me kënetën ka një problem shumë të madh, Burrat dibranë nuk janë fare të fyer, përkundrazi do i shikoni në zgjedhje.”-tha Rama./Radar.al
Ulëret në korridore/ Momenti kur arrestohet ish-drejtoresha e Spitalit Dibër
“Tonelata parash për votën e diasporës”/ Celibashi: Janë paraqitur 100 problematika në KQZ