Një bombol gazi ka shpërthyer në një banesë në qytetin e Pogradecit, në katin e dytë të një pallati. Ngjarja ka ndodhur në rrugën kryesore të lagjes nr.2.
Si rrjedhojë e ngjarjes mësohet se e moshuar është lënduar dhe është dërguar me urgjencë drejt spitalit të Pogradecit.
Nga shpërthimi gjithashtu janë shkaktuar dëme të shumta materiale.
Dritaret kanë përfunduar në rrugën kryesore duke rrezikuar dhe jetën e kalimtarëve duke qenë se është një nga rrugët më të populluara të qytetit.
Dyshohet se shkak i shpërthimit është bërë rrjedhja e gazit.
Njoftimi i Policisë
Rreth orës 10:30, në lagjen nr.5 Pogradec, në banesën e shtetases E. P., 71 vjeçe, dyshohet se ka shpërthyer një bombël gazi.
Si pasojë e shpërthimit është dëmtuar 71-vjeçarja, e cila aktualisht po merr mjekim në spitalin e Pogradecit, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të rastit.