Një ngjarje e rëndë mësohet se ka ndodhur së fundmi në qytetin e Vlorës.
Burimet bëjnë me dije se një i moshuar është gjetur pa shenja jete në banesën e tij.
Deri më tani thuhet se i moshuari në fjalë ka ndërruar jetë para disa ditësh por trupi i tij i pajetë është gjetur sot.
Në trupin e tij nuk janë konstatuar shenja dhune sakaq pritet që të kryhen ekzaminimet mjekësore në mënyrë që të zbardhen shkaqet e vdekjes.
Njoftimi i Policisë
Sot, më datë 15.03.2025, rreth orës 13:30, në fshatin Fitore, Novoselë, është gjetur i pajetë në banesën e tij shtetasi H. T., 81 vjeç. Nga të dhënat e para dyshohet se 81-vjeçari ka ndërruar jetë prej disa ditësh për shkaqe natyrale.
Nga këqyrja paraprake, nuk janë konstatuar shenja dhune, trupi do t’i nënshtrohet ekzaminimeve mjeko-ligjore për përcaktimin e saktë të shkakut dhe kohës së vdekjes.
Grupi hetimor ndodhet në vendngjarje dhe po punon për sqarimin dhe dokumentimin e plotë të rrethanave të ngjarjes.