Personi që shihni në foto është Gjovalin Prendi, viktima e atentatit të ndodhur mbrëmjen e sotme në zonën e Pllanës, pranë urës së vjetër të Milotit. Ai u qëllua për vdekje në afërsi të biznesit të tij familjar.
Sipas burimeve nga vendngjarja, krimi mban të gjitha elementët e një atentati të mirëorganizuar me karakter mafioz. Autorët kanë vepruar me shpejtësi dhe janë larguar menjëherë pas ekzekutimit, pa lënë gjurmë.
Gjovalin Prendi, 64 vjeç nuk ishte i panjohur për autoritetet, pasi ndaj tij ishin kryer edhe dy sulme të mëparshme—njëri me eksploziv dhe një tjetër me armë zjarri. Fatmirësisht, në ato raste kishte vetëm dëme materiale.
Ai ishte babai i Roan Brahimit (emri i lindjes Sidorel Prendi), i cili u vra një vit më parë në Athinë, në një atentat që tronditi opinionin publik në Greqi. Roani u ekzekutua në sy të bashkëshortes dhe fëmijës së mitur, ndërsa pista kryesore mbetet përplasja me grupe kriminale rivale.