TIRANË– Sot gjatë protestës së opozitës para Bashkisë së Tiranës, disa protestues të PD-së, janë përplasur dhe kanë larguar nga ambientet para Bashkisë, medalistët e Parisit, të cilit ishin për të bërë një foto para banerit të shpalosur te godina e Bashkisë për mbështetjen e Shqipërisë në Lojërat Olimpike.
Megjithatë Sait Prizreni, president i Federates se Mundjes, Chermen Valiev e Islam Dudaev, mundësit që i dhanë medalje olimpike Shqipërisë, dhe Zelimkhan Abakarov po mundës, si dhe trajneret Ermal Kryeziu dhe Leonard Çakmashi kanë mundur të realizojnë foton. Është parë që protestuesit u janë afruar dhe i kanë përzënë sportistët mes të bërtiturave.
Siç duket edhe në pamje, protestuesit largojnë medalistët olimpikë, ndërsa protagonist në video është edhe Sali Lusha. Ish-truproja i ish-kryeministrit Sali Berisha dëgjohet duke bërtitur. ‘I ka çu ai plehra… i ka çu… i përdorin…!”- dëgjohet të thotë Sali Lusha, i ati i Stresit, (Arkimed Lushaj) i shpallur në kërkim nga autoritetet e Kosovës.