Një ngjarje e papritur ka ndodhur gjatë ditës së sotme në afërsi të rrethrrotullimit të Teg-ut.
Pas një konflikti të çastit për gërvishtje makinash, njëri nga shoferët e makinave ka goditur me sende të forta drejtuesin tjetër aq sa e ka bërë për spital.
Grupet hetimore po punojnë për zbardhjen e ngjarjes.
Njoftimi i Policisë
Më datë 22.08.2024, në afërsi të rrethrrotullimit të Teg-ut, dyshohet se për shkak të një konflikti të çastit për një fërkim mjetesh, janë konfliktuar me sende të forta shtetasit F. D., dhe M. B. Gjatë konfliktit është dëmtuar me sende të forta shtetasi F. D., i cili po transportohet në spital për ndihmë mjekësore.
Në vendngjarje është gjetur një armë zjarri dhe po punohet për identifikimin e poseduesit të saj.
Grupi hetimor po punon për sqarimin e rrethanave të ngjarjes.