Një ngjarje e rëndë ka ndodhur pasditen e së shtunës në Edinburg. Mediat e huaja kanë raportuar se kalimtarët të cilët kishin dalë në rrugë për të festuar Halloween gjetën një kokë të prerë në mes të rrugës.
Ka qenë një grup burrash që e morën duke menduar se ishte false, një dekor për shkak të ditëve të Halloëeen, por në të vërtetë jo.
Ndërkohë policia ka bllokuar menjëherë rrugët përreth dhe u ka bërë thirrje pronarëve të lokaleve që të kërkojnë largimin e qytetarëve dhe mbylljen e dyqaneve në mënyrë që të kryhen hetimet për ngjarjen.
Dy skena u vendosën menjëherë në pjesë të ndryshme të së njëjtës rrugë, me mjekësinë ligjore që mblidhte prova dhe dëshmi.
Ndërkohë autoritetet skoceze njoftuan vdekjen e një pensionisti 74-vjeçar, me shkak të vdekjes që u përplas nga një autobus. Duke folur për momentet e tmerrshme, një grua që ndodhej në atë zonë tha se në fillim mendoi se ishte shaka kur dëgjoi që ishte gjetur një kokë në rrugë.
“Ishim tek Bannerman për një pije. Në sfond luante edhe një bandë. Dhe më pas u bë njoftimi. Nuk dëgjuam sepse kishte shumë bujë, por kur mbaruam pijet dhe donim të largoheshim, një anëtar i stafit na ndaloi dhe pyeti nëse dëgjuam se policia ishte jashtë sepse një kokë e prerë ishte gjetur në Cowgate.Unë gati qesha sepse ishte fundjavë Halloëeen dhe mendova se ishte një shaka, por shkuam në lokal dhe stafi na tha se ishte e vërtetë. Na thanë se Policia urdhëroi mbylljen e pijetores. Pashë tre makina policie dhe pesë policë në një tendë argjendi. E gjithë zona ishte e mbyllur. Ishte një skenë shumë surreale.”- tha ajo./Radar.al