TIRANË– Mbrëmjen e së dielës në Tiranë, u ekzekutua në biznesmeni Bujar Nasufi.
Hetimet e policisë në lidhje vrasjen e 56-vjeçarit janë fokusuar në pistën e konflikteve për çështjet e pronësisë dhe konflikte të tjera që 56-vjeçari mund të ketë pasur.
Grupi hetimor është fokusuar në analizimin e pamjeve të kamerave të sigurisë.
Arma e gjetur tip automatik ishte e kalibrit 9 mm ndërkohë motori që u gjet në Kodrat e Sharrës e kishte shasinë të fshirë. Hetimet janë fokusuar dhe në gjetjen e pronarit të motorit.
Ndërsa bashkëshortja dhe familjarët e Bujar Nasufit në dëshminë e tyre nuk kanë dhënë asnjë të dhënë të vlefshme për hetimin por do të rimerren në pyetje sërish. Policia paralelisht ka nisur gjurmimin në terren për gjetjen e provave. Telefoni i të ndjerit është dërguar për ekspertim në policinë shkencore ku pritet të marrin prej saj komunikime të vlefshme.
Nga ana tjetër disa kamera sigurie janë hapur disa ditë para ngjarjes për të verifikuar nëse autori i ka ndjekur viktimën./Radar.al