Ditën e sotme, afro orës 15:00 në fshatin Brojë të Skenderajt iu dha lamtumira e fundit Haxhi Thaçit, babait të ish-presidentit të Kosovës, Hashim Thaçi.
Kujtojmë se haxhi Thaçi ndërroi jetë ditën e shtunë më 16 mars, në moshën 87-vjeçare.
Në ceremoninë mortore të tij morën pjesë familjarë, miq, politikanë nga Kosova, Shqipëria dhe nga Maqedonia e Veriut.
Kujtojmë se Gjyjkata Speciale nuk ia lejoi Hashim Thaçit pjesëmarrjen në këtë ceremoni.
Thaçi ndodhet në paraburgim në Hagë që në vitin 2020.
Por burimet bëjnë me dije se Thaçi i ka dërguar një kurorë me lule të atit me mbishkrim “Në spital të thashë lamtumirë, babë. Nga Haga të them, mirupafshim në parajsë”.
