Siç dhe ju kemi raportuar amerikanët votojnë sot për presidentin e tyre, i cili pritet të udhëheqë vendin për katër vitet e ardhshme.
Pas disa orësh nga fillimi i votimeve dhe lajmit se Kamala Harris mund të fitojë zgjedhjet, ka ardhur dhe reagimi i parë i kandidatit republikan, Donald Trump.
Ish-presidenti i bën thirrje të gjithë qytetarëve që të shfaqen në qendrat e votimit dhe të japin votën e tyre, duke e mbyllur me moton e tij: Ta bëjmë Amerikën madhështore përsëri.
“Sot është zyrtarisht DITA E ZGJEDHJEVE! Kjo do të jetë dita më e rëndësishme në historinë amerikane.
Entuziazmi i votuesve është për tejet i lartë, sepse njerëzit duan të ‘Bëjnë Amerikën të Madhështore Përsëri’. Kjo do të thotë se radhët do të jenë të gjata!
Unë kam nevojë që ju të dorëzoni votën tuaj pa marrë parasysh sa kohë do të marrë. QËNDRONI NË RADHË!
Demokratët radikalë komunistë duan që ju të mblidhni gjërat dhe të shkoni në shtëpi.
Së bashku, ne do të kemi një fitore të jashtëzakonshme dhe do të ‘BËJMË AMERIKËN TË MADHËSHTORE PËRSËRI’!”, shkruan Trump në postimin e tij në “X”.
