Procesi i numërimit të votave ka nisur në një nga dy vendet e numërimit në Bashkinë Berat, ku në total pritet të numërohen 116 kuti. Në qendrën tjetër të numërimit, VNV-66, procedura nuk ka nisur ende, megjithëse kreu i KQZ kishte njoftuar si orar zyrtar fillimin në 22:00.
Deri tani janë numëruar 7 kuti, me rezultatin paraprak:
Ervin Ceca (PS): 748 vota
Pavlo Shkrapa (i pavarur): 142 vota
Në Berat kanë votuar 13,492 qytetarë nga 68,123 të regjistruar me të drejtë vote.
Cërrik: Hapet kutia e parë, kandidati i PS në avantazh
Procesi i numërimit ka nisur edhe në Bashkinë Cërrik, ku në total pritet të numërohen 57 kuti. Deri tani është hapur vetëm kutia e parë dhe rezultati paraprak është:
Florenc Doka (PS): 70 vota
Amarildo Hoxha (i pavarur): 15 vota
Eligert Hima (Shqipëria Bëhet): 13 vota
Në Cërrik kanë votuar 8,108 qytetarë nga 32,686 zgjedhës të regjistruar.