Spektakli i radhës i “Ferma VIP 3” ka sjellë sërish momente të veçanta dhe të papritura, ku në qendër të vëmendjes këtë herë ishin Mimoza Ahmeti dhe opinionisti Ermal Mamaqi.
Gjatë një bisede në studio, Mimoza komentoi situatën e krijuar rreth Akilit, duke theksuar se dinamika po zmadhohet më shumë seç duhet, por duke pranuar se ai arriti të marrë një pjesë të madhe të vëmendjes në emision.
Ermali u shpreh në të njëjtën linjë, madje shkoi edhe më tej me një deklaratë që surprizoi publikun, duke sugjeruar që gara të mbyllej menjëherë dhe fituese të shpallej Mimoza.
Megjithatë, momenti më i veçantë erdhi kur ai zbuloi se kishte biseduar edhe me bashkëshorten e tij, Amarda Toska, duke i bërë një ftesë të pazakontë Mimozës: që pas përfundimit të aventurës në fermë, të shkonte të jetonte me ta.
Nga ana e saj, Mimoza reagoi me humor, duke lënë të kuptohet se jeta me të mund të mos ishte aq e thjeshtë, pasi – siç u shpreh vetë – ajo tashmë bashkëjeton me “një të çmendur”, duke shkaktuar të qeshura në studio.