Gjykata e Lartë ka vendosur të lehtësojë masën e sigurisë ndaj Mirlinda Karçanaj, duke zëvendësuar “arrestin në shtëpi” me masën “detyrim paraqitjeje”.
Sipas vendimit, Karçanaj do të duhet të paraqitet pranë policisë gjyqësore çdo të martë të parë dhe të tretë të muajit, në orën 10:00. Po ashtu, gjykata ka vendosur ndaj saj edhe masën “ndalim i daljes jashtë shtetit”, çka do të thotë se nuk mund të largohet nga territori i Shqipërisë pa autorizim gjyqësor.
Ndërkohë, Gjykata e Lartë la në fuqi vendimin e mëparshëm të Gjykata e Posaçme e Apelit për Korrupsionin dhe Krimin e Organizuar për rekursuesit Erjon Ismaili dhe Gëzim Hoxha.
Ekzekutimi i vendimit i është ngarkuar Prokuroria e Posaçme kundër Korrupsionit dhe Krimit të Organizuar.
VENDIMI:
- Lënien në fuqi të vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar për sa i përket disponimit në lidhje me rekursuesit Erjon Ismaili dhe Gëzim Hoxha.
- Ndryshimin e vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar në lidhje me rekursuesen Mirlinda Karçanaj.
- Caktimin e masës së sigurimit “Ndalimi i daljes jashtë shtetit”, parashikuar nga neni 233 i Kodit të Procedurës Penale, duke u urdhëruar personi nën hetim Mirlinda Karçanaj të mos largohet nga territori i Republikës së Shqipërisë pa autorizimin e gjykatës.
- Caktimin e masës së sigurimit “Detyrimi për t’u paraqitur në policinë gjyqësore” parashikuar nga neni 234 i Kodit të Procedurës Penale, duke u urdhëruar personi nën hetim Mirlinda Karçanaj të paraqitet pranë policisë gjyqësore, të martën e parë dhe të tretë të çdo muaji ora 10:00.
- Ngarkohet Prokuroria e Posaçme kundër Korrupsionit dhe Krimit të Organizuar me ekzekutimin e këtij vendimi.