Ditën e sotme krah trajnerit Sylvinho, në një konferencë para përballjes me Andorrën, kapiteni i kombëtares shqiptare Gjimshiti reagoi për sfidën.
Gjatë fjalës së tij Gjimshiti, pasi komentoi përballjen me Anglinë, ku sfida u mbyll 2 me 0 në avancë të skuadrës së parë, u shpreh se ndeshja e nesërme ka vështirësinë e saj.
Ai thekson faktin se të qenurit favoritë, duke qenë se ndeshja do të luhet në vendin tonë, ushtron presion te futbollistët.
Pavarësisht vështirësive që futbollistët mund të hasim Gjimshiti qëndron optimist dhe në bashkëpunim me të tjerët synon fitore.
Gjimshiti: Unë për vete jo, edhe atë lojë e konsideroj si mundësi, ne si ekip nuk e mendojmë ashtu. Ishte mundësi për ne, Anglia është ekip botëror, luan për të fituar tituj. Nesër do të jetë një ndeshje tjetër, e vështirë dhe të jenë të përqëndruar, por në futbollin e sotëm nuk ka ndeshje të lehta. Unë besoj që ata kanë një përparësi që kanë një trajner prej shumë vitesh, një ekip që luan shumë vite bashkë. Besoj që vështirësia do të jetë në nivelin fizik, se janë shumë të përgatitur dhe rrinë shumë poshtë si mbrojtje dhe duhet të jemi ne ata që duhet t’i vendosim në vështirësi, që t’i vendosim në duele individuale për shokët tanë, që të krijojnë hapësira për shokët, ajo do të jetë pika kyçe. Njëlloj do jetë se në çdo ndeshje ke presion, është ndryshe nga sa mund të jetë me Anglinë, se nesër ne jemi favoritë. Duhet të përballohemi me këtë presion, se në letër është e thjeshtë. Kam qenë edhe unë në atë barazim 2-2, në dy raste në kundërsulm na kanë shënuar dy gola. I dimë vështirësitë, por do të jemi gati në sulm.