Një atmosferë festive përfshiu shtëpinë e Big Brother VIP Albania 4 këtë të hënë, ku Gjesti dhe Egli Tako “kurorëzuan” dashurinë e tyre me një martesë simbolike brenda lojës.
Çifti u paraqit plot stil, Egli me fustan të bardhë nusërie dhe Gjesti me kostum elegant të zi, duke e bërë ceremoninë të duket si një dasmë e vërtetë. Ledion Liço, moderatori i spektaklit, mori rolin e celebruesit të kësaj ngjarjeje të veçantë.
Në ceremoni morën pjesë edhe opinionistët Arbër Hajdari dhe Neda Ballku, në rolin e dëshmitarëve si dhe ish-banorë të formatit, ndërsa për muzikën u kujdesën Remzie Osmani dhe vëllai i saj Nexhati, duke sjellë atmosferë tradicionale dhe emocione të forta.
“Uroj të jemi gjithmonë bashkë,” tha Egli në fjalimin e saj, ndërsa Gjesti i ktheu: “Shpresoj që nuk do të lëndoj më edhe do të rri afër me mundësitë e mia, të dua”, u shpreh ai. Kjo situatë shkaktoi të qeshura në sallë.
Një moment i veçantë që me siguri do të mbetet në kujtesën e tyre edhe pas përfundimit të spektaklit.