Për herë të parë, gara prestigjioze e çiklizmit “Giro D’Italia” do të kalojë në Shqipëri, duke përfshirë qytetin e Vlorës në një nga etapat e saj. Kjo garë, që zhvillohet më 11 maj, ditën e zgjedhjeve, ka sjellë nevojën për masa të shtuara sigurie dhe kufizime në qarkullimin rrugor.
Për shkak të ndikimit të mundshëm të garës në procesin zgjedhor, Partia Socialiste ka bërë një kërkesë zyrtare drejtuar Komisionit Qendror të Zgjedhjeve për shtyrjen e orarit të votimit në Vlorë. PS kërkon që votimi të vazhdojë deri në orën 22:00, përtej kufirit të zakonshëm të votimit që është ora 19:00 sipas Kodit Zgjedhor. Ky ndryshim ka për qëllim të sigurojë që qytetarët të mund të votojnë pa u penguar nga kufizimet e vendosura për zhvillimin e garës ndërkombëtare.
