TIRANË– Në spektaklin e së hënës mbrëma të “Ferma VIP”, Silvana Bushati u eliminua pas një televotimi me Alba Pollozhanin.
Një rezultat ky që shkaktoi pakënaqësi te artisti Frederik Ndoci, i cili shprehu dyshime mbi transparencën e votimeve dhe akuzoi produksionin për manipulim të rezultateve.
Ndërkohë lidhur me këto deklarata, moderatorja Luana Vjollca, reagoi menjëherë ndaj këtyre akuzave, duke theksuar se vendimet merren nga publiku dhe jo nga produksioni.
Vjollca i bëri të qartë Ndocit dhe pjesëmarrësve të tjerë se kushdo që ka dyshime mbi integritetin e spektaklit është i lirë të largohet.
Pjesë Luna Vjollca dhe Frederik Ndoci:
Luana Vjollca: Më lejoni të iu them edhe një herë se është publiku ai që vendos.
Frederik Ndoci: Tani ne nuk i shohim votat e publikut, dyshoj te votat e publikut.
Luana Vjollca: Dyshon te votat e publikut, atëherë edhe një herë Frederik më the që dyshon tek votat e publikut.
Frederik Ndoci: Është një diçka që unë e mendoj.
Luana Vjollca: Praktikisht po hedh gjykime mbi produksionin, kështu që të jemi të kujdesshëm pavarësisht ndjenjave tuaja dhe pëlqimeve tuaj me njëri-tjetrin, të jemi të kujdesshëm se çfarë themi, të lutem. Kushdo nga ju që ka qasje të tillë mbi këtë produksion është i lirë në këtë moment të largohet./Radar.al