Së fundmi është zbuluar logoja e partisë së Lulzim Bashës.
Referuar një fotoje të siguruar nga burimet mesa duket kjo do të jetë hera e parë që Basha pritet të kandidojë në zgjedhjet e 11 majit pa logon e PD-së.
Lulzim Basha ka hequr nga selia e tij logot dhe nënshkrimet e tjera që e lidhin me PD-në, pas padisë së bërë nga Berisha.
Kujtojmë se nëpërmjet një kërkese, Franc Nuri, përfaqësues ligjor i PD-së, më 21 mars, në Komisionin Qendror të Zgjedhjeve, iu drejtua kryekomisionerit Ilirjan Celibashi, si dhe Policisë së Shtetit.
“Jemi vënë në dijeni për keqpërdorimin e simboleve dhe logove të partisë tonë dhe Koalicionit Aleanca për Shqipërinë Madhështore. Kemi marrë raportime nga mbështetësit tanë se veçanërisht në Njësinë nr. 5 në Tiranë, në rrugën “Nikolla Tupe”, ka logo dhe simbole të partisë tonë te zyra e vjetër”, thuhej në ankesën e depozituar.
