Skandal në “Arenën Kombëtare”! Një 31-vjeçar, pjesë e stafit mjekësor të Vllaznisë, është ndaluar nga policia pak para nisjes së sfidës kundër Egnatias, pasi tentoi të fuste në stadium një çantë të mbushur me fishekzjarrë.
Burime zyrtare bëjnë me dije se bëhet fjalë për shtetasin me iniciale B. F., banues në Shkodër, i cili kishte fshehur flakadanët në çantën e mjekut për t’ua dërguar tifozëve shkodranë. Skema u zbulua nga forcat e rendit që ndërhynë menjëherë dhe e shoqëruan të riun për veprime të mëtejshme.
