TIRANË– Floriana Garo është shfaqur sot për herë të parë në selinë e Partisë Demokratike, pas publikimit të listave të kandidatëve për deputetë, ku emri i saj nuk ishte përfshirë as në listat e mbyllura dhe as në ato të hapura.
Burime pranë PD bëjnë të ditur se zonja Garo ka refuzuar të jetë pjesë e listave të hapura, pasi sipas tyre, “kontrata” e saj me kryetarin e partisë përfshinte përfshirjen e saj në listat e mbyllura. Kjo qasje duket logjike, pasi Floriana dhe figura të tjera të ngjashme janë parë më shumë si imazhe promovuese për partinë, sesa si kontribuese direkte në mbledhjen e votave.
Pas mosrespektimit të këtij premtimi, Garo qëndroi disa ditë në heshtje dhe larg selisë së PD-së. Megjithatë, sot ajo u shfaq në krah të Sali Berishës gjatë një konference për shtyp./Radar.al