Paris Saint-Germain dhe Interi kanë publikuar formacionet zyrtare përpara finales së shumëpritur të Ligës së Kampionëve, e cila do të zhvillohet sot në “Allianz Arena” të Mynihut, me fillim nga ora 21:00.
Kjo sfidë përball dy skuadra që kanë shkëlqyer gjatë këtij edicioni dhe premton një duel të fortë mes dy filozofive të ndryshme futbolli. Trajnerët Luis Enrique dhe Simone Inzaghi kanë zgjedhur të hedhin në fushë lojtarët më të mirë që kanë në dispozicion, duke synuar trofeun më të rëndësishëm në futbollin evropian për klube.
Për PSG-në, ky mund të jetë triumfi i parë në histori në këtë kompeticion, ndërsa Interi kërkon të rikthehet te titulli pas plot 15 vitesh, që nga suksesi i fundit në vitin 2010.
Formacionet zyrtare:
PSG: Donnarumma; Hakimi, Marquinhos, Pacho, Nuno Mendes; Joao Neves, Vitinha, Fabian Ruiz; Kvaratskhelia, Dembele, Doué
Inter: Sommer; Dumfries, Pavard, Acerbi, Bastoni, Di Marco; Calhanoglu, Barella, Mkhitaryan; Lautaro, Thuram.