FILIPINE– Një tërmet i fortë me magnitudë 7.4 ballë ka goditur brigjet jugore të Filipineve mëngjesin e kësaj të premteje.
Mediat e huaja raportojnë se tërmeti ka shkaktuar panik, evakuime masive dhe një paralajmërim për cunami në Filipine dhe Indonezi. Tërmeti, me epiqendër pranë rajonit Mindanao, u ndje gjerësisht dhe u pasua nga tërmete të tjera më të vogla.
Ky tërmet vjen vetëm një javë pas një tjetër tërmeti të fuqishëm prej 6.9 ballësh që goditi Cebu-n, duke lënë 74 të vdekur dhe qindra të plagosur. Rreth 80,000 persona u zhvendosën si pasojë e atij tërmeti, një prej më të rëndëve në vitet e fundit në vend./Radar.al