FIFA ka njoftuar se ka marrë mbi 150 milionë aplikime për biletat e Botërorit të vitit 2026, gjatë gjysmës së fazës përfundimtare të shitjes së tyre. Aplikimet kanë ardhur nga më shumë se 200 vende dhe territore, duke treguar interes global të jashtëzakonshëm për turneun.
Presidenti i FIFA-s, Gianni Infantino, e përshkroi këtë numër si një dëshmi të dashurisë globale për futbollin. Ai shtoi se kërkesa është 30 herë më e madhe se numri i biletave në dispozicion dhe 3,4 herë më e lartë se pjesëmarrja totale e tifozëve në të gjitha Botëroret e mëparshme që nga viti 1930.
Faza përfundimtare e shitjes filloi më 11 dhjetor dhe do të zgjasë deri më 13 janar, pas së cilës biletat do të ndahen me short. Ky është hera e parë që shumica e ndeshjeve të grupeve janë të njohura që nga shorti i 5 dhjetorit.
Botërori 2026, i organizuar së bashku nga Shtetet e Bashkuara, Meksika dhe Kanadaja, është zgjeruar nga 32 në 48 ekipe dhe nga 64 në 104 ndeshje, duke ofruar më shumë bileta se kurrë më parë.
Procesi i shitjes ka pasur edhe polemika, pasi disa tifozë kritikuan çmimet e larta të biletave. FIFA më pas prezantoi disa bileta me çmim 60 dollarë për tifozët që aplikojnë për biletat nga kontingjenti i ekipeve pjesëmarrëse.