Friedrich Merz është zgjedhur kancelar i ri i Gjermanisë, pas një votimi të dytë në parlamentin gjerman, pasi nuk arriti të siguronte shumicën e nevojshme në raundin e parë më herët gjatë ditës.
Merz, lideri i konservatorëve CDU/CSU, është bërë kancelari i 10-të që nga fundi i Luftës së Dytë Botërore. Ndryshe nga të tjerët në historinë e pasluftës, asnjë kandidat nuk kishte mundur të sigurojë zgjedhjen që në raundin e parë.
Në votimin e parë, ai mori 310 vota, duke i munguar vetëm 6 për të arritur shumicën e nevojshme prej 316 votash nga 630 deputetë. Merz ishte parashikuar të fitojë lehtësisht, pasi kishte arritur një marrëveshje koalicioni me Social Demokratët e qendrës së majtë (SPD), por jo të gjithë deputetët e koalicionit e mbështetën atë, pasi 18 prej tyre e votuan kundër.