Policia e Lezhës ka identifikuar dy viktimat që u vranë me armë zjarri teksa udhëtonin me një automjet tip “Audi Q7” në zonën e Balldrenit. Bëhet fjalë për 39-vjeçarin Kreshnik Mujeci dhe bashkëshorten e tij.
Sipas raportimeve nga terreni, identifikimi i tyre ka qenë i vështirë për shkak se mjeti ishte i bllokuar nga brenda pas atentatit.
Nga hetimet paraprake dyshohet se autorët i kanë zënë pritë çiftit dhe më pas kanë hapur zjarr me breshëri kallashnikovi në drejtim të automjetit, duke i lënë të vdekur në vend.
Policia ka shoqëruar dhe marrë në pyetje disa dëshmitarë, ndërsa vijojnë hetimet intensive për zbardhjen e plotë të ngjarjes dhe kapjen e autorëve.