Së fundmi Struktura e Posaçme kundër Korrupsionit dhe Krimit të Organizuar ka zbardhur vrasjen e Fatbardh Licit.
SIç u raportuam dhe pak më parë ngjarja e rëndë ka ndodhur më 10 Gusht 2018 teksa Lici ishte duke pirë kafe në një lokal në lagjen Kiras në Shkodër.
Gjatë atij viti, sipas dëshmitarëve okularë, autori nuk kishte qenë i maskuar, por në zonë nuk kishte kamera sigurie, ndaj edhe identetieti i tij nuk u zbulua kurrë.
Për vite me radhë, Policia e Shtetit shpresoi se tek makina e djegur dhe arma do të gjenin gjurmë për identifikimin e atentatorëve, por deri më sot hetimet dështuan.
Për 7 vite, pista kryesore e hetimeve mbeti hakmarrja.
Lici ishte një emër goxha I njohur në botën e krimit, ai dyshohej e në vitin 2011 ka qenë i përfshirë në vrasjen e Astrit Kurmemajt, i dënuar me 25 vite burg për disa vrasje. Ai u vra në hyrje të Rrogozhinës, gjatë periudhës që mori 3 ditë leje nga burgu i Shën Kollit ku vuante dënimin, dhe teksa kthehej për në institucionin e vuajtjes së dënimit.
Ndonëse u shoqërua në komisariat, Fatbardh Lici u la i lirë pasi nuk u gjetën prova se ai kishte vrarë Astrit Kurmemajn. Pritet që hetuesit të marrin në pyetje të afërm të Astrit Kurmemajt.
Në zonën e Shkodrës, ai njihej edhe si kunati i Lul Kullës, i njohur si i “forti” i Shkodrës. Por emri i Fatbardh Licit u ka dalë edhe në rastin e arrestimit të disa gjobvënësve në Shkodër. Fatbardh Lici është xhaxhai i Muhamet, Ibrahim dhe të ndjerit Hamza Lici, i cili u vra pak muaj më parë në hyrje të lagjes Dobraç, zonë e njohur si territor i Bajrave.